Ezagutu dezagun Lesaka lehiaketako sariak banatu ditu Beti Gaztek

Ezagutu Dezagun Lesaka lehiaketan parte hartu duten neska-mutiko gehienak, Beti Gazteko antolatzaileekin. Argazkia: Jon Martinez

Herriari buruzko 30 galderei erantzun diete aurten Lehen Hezkuntzako 37 neska-mutikok

Lesakako haurrek bere herria, ohiturak eta historia ezagutu ditzaten Beti Gazte elkarteak Udalaren laguntzarekin urtero antolatzen duen Ezagutu Dezagun Lesaka lehiaketako sariak banatu dituzte ortziralean lkartearen egoitzan. Beti bezala, herriari buruzko 30 galderei erantzun behar izan diete parte hartu duten 37 neska-mutikoek. 

A mailan (Lehen Hezkuntzako 1. eta 2. Kurtsoko haurrak) lehen saria Ibai Criado Arruabarrenak eskuratu du, bigarren saria Eneritz Etxepare Seinek, hirugarrena Beñat Ariztegi Altzugaraik eta laugarrena Jon Rodriguez Irigoienek.

B mailan (Lehen Hezkuntzako 3. eta 4. kurtsoko neska-mutikoak), lehen saria Maddi Hoyos Iguzkiagirrek eskuratu du, bigarren saria Alain Etxepare Aiestaranek eta hirugarren sarian berdinduak gelditu dira Leire Garcia Vazquez, Libe Tapia Mutuberria eta Iratz Susperregi Mutuberria.

C mailan (LHko 5. eta 6. mailakoak), azkenik, Maddi Zubieta Eneterreagak lortu du lehen saria, eta bera izan da maila guztietan erantzun gehien eman dituena, gainera (28,65 puntu). Bigarren saria Ibon Ruiz Sarasolak eskuratu du, hirugarrena Beñat Etxepare Aiestaranek eta laugarrena Beñat Criado Arruabarrenak.

Parte hartu dutenen artean motxila zozketatu zuten eta hau ere Jon Rodriguez Irigoieneri egokitu zaio.

Herriko dendetan ikasketa materiala erosteko bonoak (40, 35, 30 eta 25 eurokoak) eta eskolako materiala lortu dituzte saridunek, eta 12 galdera edo gehiago erantzun duten guziek ere opariak izan dituzte.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun