Gipuzkoako gizonezko bat atxilotu zuen larunbatean Guardia Zibilak Beran, etorkinak legez kanpo garraiatzea egotzita. Atzerriko herritarren kontrako delitua leporatu diote eta dirudienez, paperik gabeko hiru pertsona Frantziara eraman nahi zituen.
EITBren arabera errepide-kontrol batean atzeman zuten. Dokumentazioa eskatu zitzaienean, gidariak berak onartu zuen gainerako hirurek ez zutela paperik. Guardia Zibilaren ustez gidaria immigranteak diruaren truke Frantziara garraiatzen ari zen.