Nafarroako Gobernuaren Kalamuak zure garunari eragiten dio kanpainan oinarrituta, hainbat tailer eskaintzen ari da azken aldian Bortzirietako Gizarte Zerbitzua. Berriki Arantzan eta Lesakan 15-20 urte bitarteko gazteentzako saioak egin dituzte eta ekainaren 7an gauza bera eginen dute Berako Beralandetan, 17:00etan. Aitzinetik, nerabeen gurasoentzat gaiaren inguruko informazio-saioa antolatu dute Etxalarren. Azken hau, ekainaren 3an, astelehenean 18:00etan izanen da. Izena emateko 634 22 36 59ra (Whatsappez) edo info@bortziriakgz.eus helbidera idatzi behar da, edo 948 63 50 36ra deitu.
Kontsumo arduratsuaz Arantzan
Ekainaren 20an, 15-20 urte arteko gazteentzako kontsumo arduratsuari tailerra emanen du Hegoak elkarteak, Gizarte Zerbitzuen Mankomunitateak, Nafarroako Gobernuaren laguntzaz antolatua. Arantzako Baskulan izanen dute hitzordua, 18:00etan. Sustantzien arrisku eta kalteen eta hauek murrizteko baliabideen inguruko informazioa emanen dute. Informazio hau modu egokian erabiltzen ikasiko dute eta arlo legala aztertuko dute. Izena emateko 634 22 36 59ra (Whatsappez) edo info@bortziriakgz.eus helbidera idatzi behar da, edo 948 63 50 36ra deitu.
