Igandean, XXVII. Gasna lehiaketa jokatuko dute eta bertan parte hartu nahi dutenek 10:00etatik 11:00etara eraman beharko dituzte ardi gasnak frontoira. 10:30etik 14:00etara eskulangileen erakusketa eta salmenta postuak jarriko dituzte eta giroa alaituz Etxalarko trikitilariak ariko dira. Eguerdian gasna lehiaketako sari banaketa eginen dute eta Bankako kantariek girotuta bazkaria.
Bezperan III. Artzain Zakur lehiaketa ospatuko da eta herriko dantzariek saioa eskainiko dute
Ekainaren 1ean, larunbatarekin, 16:30ean Etxalarko III. Artzain Zakur lehiaketa ospatuko da Errota pareko zelaian. Ondotik, 19:00etan herriko dantzariek saioa eskainiko dute frontoian eta egunari akabera emateko Hara taldeak rock kontzertua eskainiko du Herriko Ostatuan gaueko hamaiketan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun