Nafarroako Etxeen Federazioak, Lesakako Udalaren laguntzaz, egitarau zabala prestatu du larunbaterako, Nafarroako musikari indar berezia emanez. Egun osoan bisita gidatuak ere eskainiko dituzte, Lesakako interes gune ugariak ezagutzeko. Jardunaldi honetara Kantabria, Burgos, Bilbo, Barakaldo, Arrasate, Gasteiz, Logroño, Zaragoza, Valladolid, Madril, Bartzelona eta Valentziako Nafar Etxeetako ordezkariak etortzea espero dute.
Egitaraua
Larunbatean 11:45ean harrera eginen diete plazan eta eguerdian kalejiran joanen dira erraldoi eta buruhandien konpartsarekin elizara, eguerdiko meza abestua aditzera. Ordu berean, bisita gidatua eginen dute. Udaletxeko pleno-aretoan harrera egin ondotik, herri kirol erakustaldia ere izanen dute. 14:30ean herri-bazkaria izanen dute frontoian eta 16:30etik aitzinera Joxe Mendizabal musikariarekin dantzatzeko aukera izanen dute. 19:00 aldera bukatuko da jardunaldia.
1989an ospatzen ari zenetik Nafarroa osoan ospatu dute Nafarroako Etxeen jardunaldia. Gure inguruan guttitan egin dute, baina Elizondon ere ospatu zuten duela urte batzuk.
