11 ordu eta erdi pasatxo behar izan zituen proba gogorra burutzeko
Bixente Igartzabal lesakarrak laugarren aldiz burutu du Lanzaroteko Ironman proba gogorra. Aurtengo 28. edizioan bereziki gogorra izan da Lanzaroteko proba ahaizearengatik. Beti Gazteko kirolariak 11 ordu, 33 minutu eta 2 segundo behar izan zituen proba bukatzeko. 1.600 parte-hartzaileen artean 226. postuan sailkatu zen sailkapen orokorrean, 31. bere adin tartean (45 eta 49 urte artekoak).
Igeriketako 3,8 kilometroak egiteko ordubete, 27 minutu eta 17 segundo behar izan zituen, bizikletako 180 kilometroak egiteko 6 ordu, 4 minutu eta 53 segundo eta lasterka maratoia egiteko 3 ordu, 47 minutu eta 47 segundo.
Gizonezkotan Belgikako Frederic Van Lierde izan zen ironmaneko irabazlea (8.51.16) eta emakumezkoetan, Bretainia Handiko Nikki Bartlett (9.59.10).
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
