Soriako challengea irabazi du Luziano Mitxelena txirrindulari lesakarrak

Master 60 kategorian, larunbateko erlojuaren kontrakoa eta etapa nagusia irabazi zituen 

Asteburu honetan Sorian jokatu den Challengean, Transbidasoa-Euromaster-Inurrieta taldeko Luziano Mitxelena txirrindulari lesakarrak bere kategorian (m60)sailkapen nagusia irabazi berri du. Larunbat goizean 8 kilometroko erlojuaren kontrako igoeran irabazi zuen, baita arratsaldean jokatutako etapa nagusia ere. Igandean, berriz, hirugarren sartu zen helmugan, baina sailkapen nagusiko lehen postua mantendu zuen lesakarrak.