Lesakako San Fermin elkarteak Tarazonara (Aragoi) bidaia antolatu du maiatzaren 30ean. Hilabeteko azken ortzegunean, 07:30ean abiatuko da autobusa suhiltzaileen parketik. Milagroko El Montecillon gosaldu eta bazkalduko dute, tartean Kalahorrako azoka ere bisitatuz. Bazkalondoan joanen dira Tarazona bisitara eta handik Lesakara bueltatuko dira. Txartelak hilaren 26ra arte eskura daitezke elkartean (30 euro).