Baztan-Bidasoaldeko ekoizleen produktuen merkatua izanen da maiatzaren 11n, hilabeteko bigarren larunbatean 10:30etik 13:30era Berako Rikardo Baroja eskolako arkupetan.
Merkatu hau hilabetero antolatzen du Berako udalak, hilabeteko bigarren larunbatean. Bertan, gasnak, ogia, euskal xerrian produktuak, eztia, arraultzeak, sagardoa, zukua, ukenduak eta eskualdeko bertze hainbat produktu dastatu eta erosteko aukera eskaintzen dute. Beratarrak eta bisitariak animatu dituzte Berako Udaletik, «pausu bat ematera tokiko garapenaren alde eta erosketa bertako produktuekin egitera».