Pertsona bezala ere lagungarri
Ez da artisautzatik bizi, nahiz eta posible dela dioen: «esfortzu haundiarekin eta azoka aunitzetara mugituz». Bera «urtean azoka gutti batzuetara» joaten omen da, eta hori «giroa eta azoketan sortzen den saltsa aunitz gustatzen» zaiolako egiten omen du, baita «sendabelarretan erabat sinesten dudalako» eta «garrantzitsua» iruditzen zaiolako «jendea kontzientziatzea». Argitsu elkarteaz ere esker oneko hitzak ditu: «artisautzan bide berri baten sorrera izan da». Bere kasuan, «artisau eta pertsona bezala, esperientzia berri baterako aukera» eskaini omen dio: «bizikidetza, talde lana, autogestioa, komunikazioa eta bertze zenbait aspektu lantzeko».