Promobiomasse Nasuvinsa buru duen nazioarteko proiektua da eta mendietako biomasa merkatua bultzatzea du helburu. Aste honetan, Sarrigurenen, etxebizitza publiko baten lehen aldiz jarri duten biomasa-galdararen berri eman dute eta, aldi berean, Larraintzarren eta Beran ere ibili da batzorde teknikoa, herri hauetako esperientziak ezagutu dituzte.
Berako kasuan, 2014an gasoliozko lau galdara kendu eta biomasako bi galdara paratu zituzten, 8.000 metro koadro hartzen dituzten bortz udal eraikini ur beroa eta berogailua ematen diotenak: hiru ikastetxeri, haurtzaindegiari eta kiroldegiari. Aldaketa honek, urteko 10.000 eta 30.000 euro arteko aurrezpena ekarri du, gasolioaren prezioaren arabera.
