Bortzirietako pilotazale eta pilotarien topaleku bihurtuko da Arantza larunbat honetan, apirilak 13, Bortzirietako banakako XVIII. txapelketako finalak jokatuko baitira. 10:00etan hasita guztira zazpi partida jokatuko dituzte.
Ttikien B mailan, Aitor Etxegarai eta Izei Irazoki beratarrak nor baino nor ariko dira. Ttikien A mailan, berriz, Ander Etxegarai aranztarrak Urko Telletxea igantziarra izanen du aurkari.
Umeen B mailan, Ainitze Martinez lesakarra Xabi Leitza aranztarraren aurka ariko da eta A mailan, Legasako Xuban Lakarrek Markel Irazoki beratarra izanen du aurkari.
Kimuetan partida bakarra jokatuko dute: Aimar Otxandorena eta Unax Bereau lesakarrek jokatuko dute.
Haurretan bi partida jokatuko dituzte: B mailan, Arantzako Oskitz Madariaga eta Ekai Madariaga lehengusuen arteko norgehiagoka ikusteko aukera izanen da. Eta A mailan azkenik, Oier Orbegozo lesakarra Andde Maritorena beratarraren aurka ariko da.