Junior mailako txirrindulariei zuzendutako Felix Errandonea Memorialaren 42. edizioa antolatu du Gure Txokoa elkarteak Udalaren laguntzarekin Beran apirilaren 7an. Igande goizeko 11etan abiatuko dira txirrindulariak Beratik eta Iruribieta, Bera, Berrizaun, Bera, Berrizaun, Bera, Lesaka, Piedadeko gaina, Igantzi, Berrizaun eta Bera (helmuga Eztegara pasealekuan) ibilbidea eginen dute, 82 kilometro denera.
Gure Txokoa elkarteak boluntarioak beharko lituzke, bai bidegurutzetan egoteko baita motoetan joateko ere. Animatzen denak guretxokoaelkartea@gmail.com helbide elektronikora idatzi behar du edo idatzi mezu bat 626309438 zenbakira, Nortasun Agiriaren zenbakiarekin eta telefono zenbaki batekin. Egunean bertan 10:00ak aldera Iamotenean azaldu beharko dute boluntarioek.