Omenaldien tartean, herriko elkarteak omenduko ditu aurten Udaleko Kultura Batzordeak
Larunbat honetan, apirilak 6, laugarren aldiz, Trikitixa Jaialdia eginen dute Arantzan. Larunbatean 16:30etik aitzinera, herriko trikitilari eta panderojoleez gain, Berako Irats Trikitixa Eskola eta Isidoro Fagoaga Musika Eskola, Aurtizko Mendaur Trikitixa Eskola eta Lesaka Trikitixa Eskolakoek euren emanaldia eskainiko dute frontoian. Lezoko dantzariak ere gonbidatu dituzte eta beraien abilidadeak erakusteko aukera izanen dute bildutakoek.
Sarrera bortz euro ordaindu beharko da eta 12 urtez beheitikoek dohainik izanen dute. Gainerakoan, parte-hartzaileek oroigarri bana jasoko dute eta publikoaren artean zozketak eginen dituzte. Guraso Elkarteak, bere aldetik, opilak eskainiko ditu.
Omenaldiaren tartean, berriz, aurten herriko elkarteak omenduko ditu Udaleko Kultura Batzordeak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.