60 urtez goitikoen lasterketa horretan denbora berean sartu ziren hiru lehenbiziko sailkatuak, 109 kilometroko ibilbidearen ondotik: Korosti taldeko Domingo Casado legazpiarra, Bodegas Mazuela taldeko Rolando Gonzalez errioxarra eta Transbidasoa-Iñurrieta taldeko Luciano Mitxelena (2:52:26). Hortaz, nahiz eta lasterketan hirugarren izan, Euskadiko txapelketan bigarren izan zen lesakarra.
Transbidasoa taldeko Perdi Ganuza iruñearra seigarren izan zen master30 txapelketan, eguneko ihesaldian sartu ondotik. Bertze taldekideei dagokienez, Iruñeko Ruben Alonso hamalaugarren, Peio Lizartza hamabosgarren, Elizondoko Gaizka Otxandorena hogeita bigarren eta Iñigo Lizartza leitzarra berrogeita laugarren izan dira master30 kategoria horretan. Kategoria berean, Errekako Iñigo Arregi 21. izan da eta Imanol Etxeberria 26.
Taldekako sailkapenean ere seigarren izan zen Transbidasoa.