Aisialdia eta kontziliazioa bateratzeko asmoaz, Aste Santuko bigarren astean, apirilaren 23tik 26ra Eskol Ttiki ludoteka eskainiko du Lesakako udalak, Lagunekin jolasean elkartearen bidez. 2 eta 10 urte bitarteko haurrei zuzendua da eta 20-25 neska-mutiko onartuko dituzte, hurrenkeraren arabera. Ludoteka 09:00etatik 13:00etara eskaintzeko asmoa dute, baina ordutegi malgua izanen da. Kuota 15 eurokoa izanen da lau egunetarako edo eguneko sarrera, 5 eurokoa. Izen-ematea apirilaren 2an eta 3an egin daiteke, Eskol Ttikin bertan, 17:00etatik 19:00etara.