Zabor bilketa Larunen San Jose egunez
Martxoaren 19an, San Jose eguneko besta aprobetxatuz, bertze urte batez, Larunera igo ziren goizez Manttaleko kideak, Zizkuitz eta gailurraren arteko bidea garbitzeko. Berriz ere zabor eta kristal puska aunitz aurkitu eta bildudituzte. Berako Mendi Maratoi Erdiaren zati hori hagitz malkartsua eta estua da, eta horregatik korrikalari aunitzek eskuak lurrean jarri behar izaten dituzte igotzen laguntzeko. Eskuetan ebakiak ez gertatzeko, urtero ahalik eta kristal gehien kentzen saiatzen dira.
Gogoratu apirilaren 14an eginen dela Berako Mendi Maratoi Erdiaren hamabosgarren edizioa. Martxoaren 11n banatu zituzten lasterketarako 525 dortsalak, bederatzi orduz.