Igandean Altsasun eginen den manifestazioan parte hartzeko deialdia luzatu diete herritarrei
Bi urte baina gehiago pasa dira 2016ko urriaren 15ean Altsasuko ferietan izandako gertakari deitoragarrietatik. Gertakari hauei dagokien epaian bi eta hamahiru urte bitarteko neurrigabeko zigorrak ezarri zituzten. Epai hau Fiskaltzak errekurritu zuen. Behin fiskaltzaren eta defentsaren helegiteak errebisatu ondoren, Auzitegiak gertaera hauek ezin direla terrorismotzat hartu ebatzi du, baina hamahiru urte bitarteko zigorrak berretsi ditu.
Egoera honen aitzinean Berako eta Arantzako Udalek adierazpena onartu dute, Entzutegi Nazionaleko Apelazio Gelak ebatzitako epaiaren aurrean erabateko desadostasuna adieraziz.
Era berean, Altsasu Gurasoak eta Altsasukoak aske plataformek ‘Hau ez da justizia. Altsasukoak Aske’ lelopean martxoaren 24rako deitu duten manifestazioari atxikimendua adierazi diote eta herritarrak bertan parte hartzeko deialdia luzatu dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.