BBCko hogeitamar ikasle inguru, Mikel Zeberio BBCko irakasle eta kritiko gastronomikoen eskutik, egun hauetan Nafarroako hainbat lekutan bisitan eta tokiko produktoekin esperimentatzen ari dira. Bertzeak bertze, Martikoren lantegia ezagutuko dute martxoaren 22an, ortzirale goizean. Beratik Arruitzera joko dute, Maskarada ustiategiko euskal txerria ezagutzera. Arratsaldean, Larrazabal Eco mendi gazta ezagutuko dute Altsasun.
Ekitaldiak BCC berak antolatzen ditu, bainan Lursareak (Nasuvinsaren barnean dagoen lurralde garapeneko agentziak) behar izan duten laguntza teknikoa eman dio, tokiko produktoak eta produktoreen lana lurralde garapen estrategia baten barruan bultzatzeko. «BBCren eskuz, badaukagu gure tokiko produktoak hainbat sukalde eta goi sukaldaritzan sartzeko aukera paregabea!», diote Lursareatik.