Lesakako Musika Bandak eta Azken Trena taldeak, Jokin Pinatxoren musika-konponketei esker, emanaldi berezia eskainiko dute apirilaren 6an, larunbatean, Lesakako Harriondoa kultur etxean. 22:00etan zehaztu dute hitzordua.
Mikel Laboa, euskal abeslari eta musikagilea gogoan, Txoriaren Hegaldia eskainiko dute. '10 urte zu gabe, 85 inguru gure artean' lelopean bilduko dira. Maddalen Arzallus bertsolaria izanen da eguneko gonbidatu berezia.
Emanaldiaz gozatu ahal izateko sarrerak laster jarriko dituzte salgai.