Emakumearen Nazioarteko Egunaren harira, ikasleei marrazki eta lelo bat aukeratzeko deia luzatu zieten Toki Ona institutuan. Deialdian bi lan aurkeztu zituzten: DBHko 3. mailan ari den Mendi Zubietak bihotz lila bat aurkeztu zuen eta horrekin batera, Hainbertze kendu ziguten, beldurra ere kendu digutela lelopean. Lanbide Heziketako Erdi Mailan ari den Asier Arozenak, berriz, Emakumea, munduaren engranajea lelopean aurkeztu zuen bere marrazkia.
Bi lan horiek uztartuz, errotulu erraldoi bat egin dute eta aurten hasita, urtero martxoaren 8arekin institutuko kanpoko aldean zintzilikatuko dute.