Goldatzek, Berako Udalak eta Bortziririetako Gizarte Zerbitzuen Mankomunitateak elkartasuna adierazi diote emakumeari eta bere ausardia txalotu dute
Beran emakume batek jasandako jazarpen larriengatik, hala nola, mehatxuak, jarraipena, kontrola… salaketa bat jarri da. Gertakari honen aitzimean, Goldatz Berako Emakume Talde Feministak, Berako Udalak eta Bortzirietako Gizarte Zerbitzuen Mankomunitateak lehenik eta behin «gure elkartasuna adierazi nahi diogu erasoa jasan duen emakumeari, babes osoa emanez, eta baliabide guztiak bere esku jarriz. Era berean, emakumearen ausardia txalotu nahi dugu».
Gogorarazi nahi dute, «genero indarkeria moduan ulertzen ez diren kasuak daudela. Hori dela eta, aldarrikatzen dugu, emakume izanagatik bizi ditugun gure ongizatearen aurkako eraso guztiak genero indarkeria bezala ulertuak izan beharko liratekeela. Berako herrian ez dugu ez horrelako, ez bertze inolako eraso matxistarik onartuko. Ezetza beti EZ delako!!».
Gertaera hau salatzeko elkarretaratzea eginen dute, martxoaren 1ean, ortziralea, arratseko 8:30ean Mukixu Zubian.