Txapeldunorde Murueta (Bizkaia) izan zen eta Ibarrak (Gipuzkoa) osatu zuen podiuma. Ondotik sailkatu ziren Ñapurrak, Gaztedi eta Berriozar.
600 kiloko taldea, 640koan ere txapeldun suertatu zen zortzikotea aritu zen: Karmelo Mitxelena, Joxe Angel Mitxelena, Mikel Apeztegia, Alejo Sarobe, Beñardo Iantzi, Beñat Ordoki, Eneko Saldias eta Gerardo Telletxea, Pascual Taberna eta Iñigo Altzugarai erakusle zituztela.
Emakumezkoetan, Txurdinagako saioan berdindu egin zuten lehen postuan Gaztedi eta Badaiotzek. Ibarra izan zen hirugarren, Beti Gazteko neskak laugarren, Txantrea bosgarren eta Antsoain seigarren.
Azken txapelketak
Heldu den asteburuan, emakumezkoen 500 kiloko hirugarren eta azken jardunaldia jokatuko da, martxoaren 2an Laukizen (Bizkaia). Gizonezkoek, 560 kiloko txapela jokoan izanen dute jardunaldi bakarrean. Beti Gazterekin batera, Berriozar, Txantrea, Gaztedi eta Murueta lehiatuko dira pisu arinenean. Beti Gaztek txapela lortuko balu, lehen aldiz Euskadiko txapel guztiak lortuko lituzke urte berean. Marka ederra litzateke!
Euskadiko sokatira txapelketa bukatzeko, martxoaren 9an Gabirian (Gipuzkoa) txapelketa mistoa jokatuko dute, 580 kiloko kategorian. Beti Gazterekin batera, Bizindar, Ibarra, Antsoain, Berriozar eta Gaztedi A eta Gaztedi B lehiatuko dira.
