Hirugarrenez eskainiko dute ‘La buena, la mala, la ergela y la madre que las parió’ antzezlana Beran

Emaitza antzerki taldekoak, 2017ko emanaldian.

Otsailaren 24an eginen du emanaldia Emaitza taldeak Kultur Etxean eta sarrerak salgai daude dagoeneko

Aitzinekoetan sarrera guztiak agortu zirela eta, hirugarren aldiz ‘La buena, la mala, la ergela y la madre que las parió’ antzezlana eskainiko du Berako Emaitza antzerki taldeak otsailaren 24an Berako Kultur Etxean, Kultur Batzordeak eta Udalak antolatuta. Igande horretan 19:00etan hasiko da emanaldia, baina sarrerak dagoeneko salgai daude, 4 eurotan Agara prentsa dendan.

Inma Uranga, Marian Yanci, Inma Danboriena eta Dominica Mercadal dira gaztelaniaz eskainiko den emanaldi umoretsu honetako protagonista eta sinopsiak dioenez, «itxurak engainatzen gaitu; pertsonak ez dira beti hain on, hain gaizto edo hain ergel. Aunitz nahi duena, gutirekin gelditzen da eta horregatik aunitzetan gauzak ez dira akabatzen nahiko genukeen bezala. Mac. Pardos familiaren historiak erakusten digu hori».

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun