Matrikularen prezioa 35 eurokoa izanen da eta plaza mugatuak dira. Berako haurrek lehentasuna izanen dute. Hain zuzen, 45 minutuko lau saio eginen dira Musika Eskolan martxoaren 15, 22 eta 29an eta apirilaren 5ean, ortzirale arratsaldetan (ordutegiak matrikularen arabera egokituko dira). Klaudia Oyarzun, Aralar Udal Musika Eskolako irakasleak emanen du ikastaroa. Izena emateko 948 012 012 telefonora deitu behar da (astelehenetik ortziralera 08:00etatik 19:00etara).
Musikaren, jokoaren eta esperimentazioaren bidez gorputza eta ahotsaren jabetza landuko dute. Tailerren ikuspen globala hagitz zabala da, bertan ikasleen kapazitate espresiboak, musikalak, intelektualak eta motrizeak garatuko dituzte eta kantuen errepertorio egokia ere landuko dute.