Teresa eta galtzagorria eta Handia filmak ikusi ahal izanen dira
Lesakako Tantirumairu Ikastola zinema arratsaldeak antolatzen hasi zen iaz, Lesakako Udalaren laguntzarekin. Aurten, Irain eskolako gurasoekin batera antolatuko dute. Hilabeteko azken igandetan euskarazko filmen bi emanaldi eskainiko dituzte, baina oraingoan, hileko lehen igandean, otsailaren 3koa izanen da urteko lehen saioa. Lehenbiziko saioa 16:30ean izanen da eta bigarrena 18:00etan.
Otsailaren 3an, igandean 16:30ean ‘Teresa eta Galtzagorria’ filma eskainiko dute, 3 eta 9 urte arteko neska-mutikoentzako egokia. 18:00etan, berriz, ‘Handia’ filma ezaguna eskainiko dute, 12 urtetik goitikoei zuzendua. Emanaldi bakoitzaren sarrera 2 euro gostako da.