Igande goizean mezak izanen dira orduero (10:00, 11:00 eta 12:00), baita trikitixa doinuak, erroskila saltzaileak eta bertze hainbat kontu ere. Lesakatik eta inguruko herrietatik oinez, bizikletaz, zaldiz eta, batez ere, autoz hurbiltzeko ohitura handia izaten da. Arratsaldean dantzaldia izanen da Plaza Zaharrean eta 16:00etatik 21:00etara eskulangileen azoka ere eginen dute Udaletxeko arkupetan.