Beti Gazte txapeldunaren ondotik Ibarra (Gipuzkoa), Murueta (Bizkaia), Zuraide (Lapurdi), Ñapurrak (Lapurdi) eta 6 Conceyos (Asturias) sailkatu ziren.
Beti Gazte zortziko honekin lehiatu zen 680 kiloko txapelketan: Karmelo Mitxelena, Julen Palenzuela, Joxe Angel Mitxelena, Mikel Apeztegia, Beñardo Iantzi, Beñat Ordoki, Eneko Saldias eta Gerardo Telletxea, Pascual Taberna erakusle zutela.
Nazioarteko txapelketa Zeberion
Larunbateko txapelaren ondotik, igandean Nazioarteko sokatira txapelketan parte hartu zuten Beti Gazteko tiralariek, mutilek, neskek, nahiz talde mistoak eta emaitza ederrak lortu zituzten.
Proba nagusian, gizonezkoen 640 kilokoan, Holandako Monnickendam suertatu zen irabazle, tiraldi guztiak irabazita. Bigarren Beti Gazte izan zen eta hirugarren Gaztedi. Emakumezkoetan, 520 kilotan, Gaztedi izan zen irabazle, Beti Gazte bigarren eta Txantrea hirugarren. 600 kiloko txapelketa mistoan, azkenik, Gaztedi nagusitu zen eta gazte mailan Goiherri.
