Berako zahar-etxeak Biok bentak antolatutako Gabonetako txapelketa irabazi du

Berako zahar-etxeak Biok bentak antolatutako Gabonetako txapelketa irabazi du
Zahar-etxeko erabiltzaileak saria eskuetan dutela

Herritarren eta zahar-etxeko langileen laguntzaz egin duten lanari esker 400 euro irabazi dituzte

Berako zahar-etxeak Biok bentak antolatutako Eguberrietako dekorazio txapelketan parte hartu du. Txapelketan parte hartzeko baldintza Biok bentara Gabonetako argazki bat bidaltzea zen. Facebook bidez erabaki zuten irabazlea, 'gustuko dut' kopurua kontuan hartuz. Gehien zituena Berako zahar-etxekoa izan zen.

Argazkia ateratzeko, aitzinetik, amatxi bat Ane Igartiburuz eta atatxi bat Ramon Garciataz mozorratu eta 'La Puerta del Sol' marraztu zuten. Herritarrek utzitako arropekin eta zahar-etxeko langileen laguntzarekin argazki ederra lortu zuten, 400 euro irabazteko bide eman ziena. 

Zahar-etxetik argazkia gustuko izan eta 'gustuko dut' sakatu duten guztiak eskertu nahi izan dituzte: «zuek gabe ilusio hau ez zen posible izango». 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun