Txapelketa igande goizeko 10etan hasiko da, gizonezkoen 640 kiloko eta emakumezkoen 520 kiloko txapelketekin. Gizonezkoetan hamaika talde lehiatuko dira pisu honetan (Beti Gazte, Txantrea, Berriozar eta Antsoain Nafarroatik, Ñapurrak eta Zuraide Lapurditik, Gaztedi eta Murueta Bizkaiatik, Ibarra gipuzkoarra eta Eskoziako Ayrshire eta Holandako Monnickendam) eta emakumezkoetan zazpi (Beti Gazte, Antsoain eta Txantrea nafarrak, Arabako Badaiotz, Bizkaiko Gaztedi, Gipuzkoako Ibarra eta Holandako Monnickendam).
Pisu horietan bukatu ondotik, 600 kiloko txapelketa mistoa jokatuko da. Hemen, zortzi talde lehiatuko dira: Nafarroako Beti Gazte, Antsoain eta Berriozar, Arabako Bizindar, Bizkaiko Gaztedi, Gipuzkoako Ibarra, Eskoziako Ayrshire eta Holandako Monnickendam.
Gazteen txapelketa ere jokatuko da, baina hemen ez da Beti Gazteren ordezkaritzarik izanen. Nafarroako Antsoain, Berriozar eta Txantrea eta Bizkaiko Gaztedi, Gernika, Goiherri eta Iurreta ariko dira.
Pisu guztietan finalerdiak, hirugarren eta laugarren posturako tiraldiak eta finalak jokatuko dituzte.