Lesakako Ernaik eskerrak eman nahi dizkio LABeko kideari tailerra eskaintzeagatik, eta, bidenabar, «eskualdeko eta Euskal Herriko gazteei deia egin nahi diegu Euskal Herrian Bizi (#EHBizi) kanpainaren barrenean antolatuko diren ekimenetan parte hartzeko». Bertzeak bertze, heldu den otsailaren 16an manifestazio nazionala eginen dute Bilbon 'Prekarietateari ateak itxi' lelopean.