Jarrai gazte erakundearen sorreraren 40. urteurrena dela eta 'Bulkada berrien garaia da!' dinamika jarri zuten martxan joan den irailean Leitzan egin zen agerraldi jendetsuan. Ernai eta Aitzina gazte antolakundeek bultzatuta, Euskal Herri osoan dinamikarekin lotutako ekimenak egiten ari dira: joan den astean egin zen gazte memoriaren astea da horren adibideetako bat, eta heldu den apirilean Lemoan eginen den Gazte Topagunearekin emanen zaio akabera dinamikari.