Haur Txokoarekin, alde batetik, «haurrek euren denbora librean kulturarekin eta harreman afektiboekin jostatzen eta gozatzen ikasteko gune bat» eskaini nahi du Bortzirietako Gizarte Zerbitzuen Mankomunitateak, «solidaritatean eta berdintasunean oinarritzen dena». Bertzetik, gurasoei aukera bat eman nahi die «seme-alaben heziketa euren lanarekin edota denbora librearekin bateratu ahal izateko». Aipatu egun horietan, 10:00etatik 13:00etara eskainiko dute zerbitzua.
Taldea aitzinera ateratzeko guttienez 3 eta 12 urte bitarteko hamar haurrek eman beharko dute izena, 948 635 036 telefonora deituta edo info@bortziriakgz.eus helbidera idatzita. Abenduaren 20a baino lehen apuntatu beharko da eta kuota 20 eurokoa izanen da. Ordainketa lehenbiziko egunean egin beharko da.