erran.eus

Aizpea Goenagak piztu du IrriSarri Landeko txondorra

  Gizartea  Bortziriak  Igantzi

15.000 kilo egur erabili dira et 5 Tona ikatz lortzea espero dute 

Duela bortz urtetik hona, IrriSarri Landek euskara eta euskal kultura hainbat modutan zabaltzen laguntzen duen pertsona bat omentzen du. Aurten, Aizpea Goenaga zinema zuzendari eta aktoreak piztu du txondorra, eta bere aztarna utzi du Ikaztegia–Ikatz Museoko enbor batean, aitzineko urteetan  Iñaki Perurenak, Xabier Euzkitzek, Xabier Agotek eta Toti Martínez de Lezeak egin duten bezala. Ekitaldia Estitxu Pinatxo Berako kantariak aurkeztu eta gidatu zuen, eta Aurtizko joaldunak ere bertan izan ziren.

Aizpea Goenagak piztu du IrriSarri Landeko txondorra
Aizpea Goenaga, txondorra pizten. | Ikusi handiago | Argazki originala

Urtarrilaren 1era bitarte, jendeak txondorra ikusteko aukera izanen du. Guztira, 15.000 kilo egur erabili dira, eta parkeko langileek bi aste behar izan dituzte txondorra egiteko. Zehazki, Ikaztegia–Ikatz Museoan dago; bertan, tamaina naturaleko erreprodukzioak erabiliz, txondorra egiteko moldea erakusten da, bai eta lehenagoko ikazkinen bizimodua ere. Parkea egunero egonen da abenduaren 9ra bitarte, eta egunero, bisita gidatuak eginen dira ikazkina eta haren lana ikusi eta ikasteko. Era berean, tabernan, gaztain-jatea egiteko eta pintxo-potea dastatzeko aukera izanen da.

Olentzero abenduaren 22an eta 23an etorriko da, arratsaldez, haurren gutunak jasotzera.  

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa