Igandean Artziniegan jokatuko dute txapelketa mistoa, 280 kilotan, saio bakarrean
Nafarroako sokatira txapelketan lehen txapelak jantziak dituzte dagoeneko Beti Gazteko neskek eta mutilek. Larunbat honetan Elizondon jokatuko dute hirugarren jardunaldia ere. Horretaz gain, Euskadiko 4x4 sokatira txapelketan ere hastekoak dira Beti Gaztekoak azaroaren 18an. Igandean Artziniegan (Araba), txapelketa mistoa jokatuko dute, 280 kilotan, saio bakarrean.
Segidan, emakumeen 260 kilokoa eta gizasemeen 300 kilokoa jokatuko dituzte hiru jardunalditan: azaroaren 25ean, berriz ere Artziniegan, abenduaren 2an Ibarran (Gipuzkoa) eta abenduaren 16an, sei onenak lehiatuko dira finalean, oraindik zehaztu gabeko lekuan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.