Ttikienentzako four-cross lasterketa ere eginen dute Igantzin
Igantziko IrriSarri Land aventura parkean enduro txapelketa jokatuko da asteburu honetan, IrriSarri Bike taldeak antolatuta. Ehun txirrindulari baino gehiago espero dituzte eta konpetizioa ikusteko sarrera doan izanen da.
Larunbatean entrenamenduak eginen dituzte eta igandean, 09:00etatik aitzinera jokatuko da txapelketa, haimnbat kategoriatan: kadete (15-16 urte), junior (17-18 urte), sub-23, elite, master 30, master 40, master 50, neska kadeteak, emakumeak (17 urtetik goitikoak) eta ebike edo bizikleta elektrikoak).
Kirol hau sustatzeko helburuarekin, 8 eta 14 urte bitarteko neska-mutilei zuzendutako fourcross lasterketa ere antolatu dute 13:00etan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.