Bidasoa karrika eta Agerra auzoko argiteria berrituko dute Beran

Ttipi-Ttapa 2018ko aza. 13a, 13:00
Agerra auzoko argiteria.

217.044 eurotan esleitu dira eta egun hauetan hasiko dira lanean

Berako Udalak, Nafarroako Gobernuko 2017-2019 azpiegitura planaren barrenean bertze inbertsio bat esleitu berri du, Bidasoa kalea eta Agerra auzoko argiteria berritzekoa hain zuzen ere. 

 

Obra honekin zaharkitua dagoen argiteria kendu eta Led teknologia duen argiteria berria jarriko da. Gainera, argi kontsumoa jaitsiz, urtean 6.000 euro aurreztea espero da.

Obrak 217.044,29 eurotan esleitu dira eta %60ko dirulaguntza dute Nafarroako Gobernuaren aldetik. Berako udaletik jakinarazi dutenez, «IDAEren dirulaguntza ere eskatu da, baina oraindik ez dugu erantzunik».

Bidasoa karrikan, espaloian zehar argiteriaren kableentzat tuboak sartu behar direla aprobetxatuz, espaloi osoa moldatzeko asmoa du Udalak. Lanak egun hauetan hasiko dira.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun