Gazta lehiaketako partaideek gazta bakoitzarengatik 15 euro hartuko dituzte. Sariei dagokienez, lehenbiziko saria 60 eurokoa izanen da, bigarrena 40 eurokoa eta hirugarrena 20 eurokoa. Ahari lehiaketan, bi sari emanen dituzte: lehenbizikoa 50 euro eta bigarrena 25.
Ardiak eta ahuntzak eramatekotan, guttienez zazpi buruko loteak eraman beharko dira eta ekartzearen alde 20 euro emanen dizkiete artzainei. Gehienez ere, lote bat ordainduko diote jabeari. Zaltabereen kasuan, gehienez hiru buruko loteak izan beharko dute eta baserritar bakoitzari buruko 10 euro ordainduko dizkiote. Behikietan, guttienez bi buruko loteak izanen dira eta baserritar bakoitzari buruko 15 euro ordainduko dizkiote.
Salmenta postuen kokapena urriaren 31n, asteazkenean 18:00etan, Ekaitza elkartean, jende aitzinean eginen den zozketan erabakiko dute. Bertzetik, postuetako kartelak euskaraz izan beharko dutela adierazi dute Ekaitza Elkartetik. Azaroaren 1ean frontoia 08:00etan irekiko dute.