Nafarroako bertze zortzi ikastetxerekin batera
Nafarroako bertze zortzi ikastetxerekin batera, Irain Eskola Publikoak 2017-2018 ikasturtean burututako eTwinning proiektu bati lotuta kalitate-zigilu europarra jaso du. Proiektuan Lehen Hezkuntzako bosgarren eta seigarren mailako ikasleek parte hartu zuten, haien ingeleseko bi irakasleekin eta IKTko irakaslearekin batera.
Proiektuaren xedea Europako hainbat herrialdetako eskolekin kultur ondarearen inguruko postalak elkartrukatzea izan zen, eta horren inguruan jarduera multzo zabala landu zituzten ikasleek. Argazkian, proiektuan parte hartu zuten ikasleen zati bat (egun Lehen Hezkuntzako seigarren mailan dauden ikasleak) eta ingeleseko bi irakasleak, Miren Askasibar eta Edurne Aranburu ageri dira. Azken hau eskolako zuzendaria ere bada.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.