'Aunitz urtez' txistu emanaldi gustagarria eskaini du Beran Ache pa ti taldeak

Ttipi-Ttapa 2018ko urr. 15a, 10:07

Euskal Herriko Txistulari Elkarteak, Berako musika eskolako txistu sailak eta Berako txistulari taldeek antolatuta kontzertua eskaini zuten ortzirale arratsaldean Berako Kultur Etxean. ‘Aunitz urtez’ emanaldi bikaina eskaini zuen Ache pa ti taldeak.

 

Aunitz urtez kontzertuan, euskal melodia tradizionalak, musika afro eta Karibekoa aditzeko aukera izan zen. Txistuak ere gure gerriak dantzan jartzeko balio duela erakutsi zuen kontzertua. Fermin Goñi (txistua eta trompeta), Jose Ramon Garcia Beorlegi (pianoa), Jokin Zabalza (Baxua), Andoni Zugasti (Kongak eta perkusioa) eta Daniel Arias Elizari (bateria) musikariek osatzen dute Ache pa ti taldea.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun