erran.eus

Txistu kontzertuak izanen dituzte urriaren 12an eta 13an Bortzirietan

  Kultura  Bortziriak

Ortziralean ‘Aunitz urtez’ emanaldia eskainiko du  Ache pa ti taldeak Beran ortziralean eta ‘Musikaren koloreak’ emanaldia izanen da larunbatean Lesakan 

Euskal Herriko Txistulari Elkarteak, Bera eta Lesakako musika eskoletako txistu sailek eta Bera eta Lesakako txistulari taldeek antolatuta kontzertuak izanen dira asteburu honetan, ‘Txistua, tradizioa gaur egun’ goiburupean.

Txistu kontzertuak izanen dituzte urriaren 12an eta 13an Bortzirietan
Ache pa tí taldeak ortzirale arratsaldean eskainiko du emanaldia Berako Kultur Etxean. | Ikusi handiago | Argazki originala

 

Ortziralean 18:30ean, Berako Kultur Etxean ‘Aunitz urtez’ emanaldia eskainiko du Ache pa ti taldeak.

Aunitz urtez kontzertuan, euskal melodia tradizionalak, musika afro eta Karibekoa aditzeko aukera izanen da. Txistuak ere gure gerriak dantzan jartzeko balio duela erakutsiko duen kontzertua.

Fermin Goñi: Txistua eta tronpeta.

Jose Ramon Garcia Beorlegi: Pianoa.

Jokin Zabalza: Baxua.

Andoni Zugasti: Kongak eta perkusioa.

Daniel Arias Elizari: Bateria.

Egitaraua: "Haurtxo txikia", "Bonbolontena", "Duerme negrita", "Tiko Otsagiko", "Descompuesto", "La Bikina", "Ilazkitan", "Abunina Katalina", "Los tamalitos de Olga", "Amets bat", Agur Jesusen Ama", "Danzon 2", "Aldapeko blues", "Artzai kontuk", "Agurra", "Zazpi jauzi".

 

Musikaren koloreak Lesakan larunbatean

Larunbatean 18:30ean Lesakako Harriondoa Kultur Etxean, ‘Musikaren koloreak’ emanaldia eskainiko dute. Txistuek, eskusoinuak, ahotsak, pianoak, kontrabaxuak eta gitarrak osatutako familia horren kontzertuan, kolore guztietako musika eskaintzen da. Musika klasikoa, barrokoa, tradizionala, zelta eta fusioa. Txistua eta pianoa; txistua, silbotea eta eskusoinua. Txistua, bateria, kontrabaxua eta ahotsa... Kontzertu horretan, instrumentuen zenbait taldekatze egiten dira, eta harrituta uzten gaituen eskaintza bat lortzen dute. Txistua gainerako instrumentuekin senidetua, baina obra guztien protagonista. 

 

2018/10/12 - 2018/10/13

Berako eta Lesakako Kultur Etxeak Bortziriak

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa