Euriari aurre eginez 14 margolarik kolorez bete zituzten igandean Berako karrikak

Ttipi-Ttapa 2018ko urr. 8a, 10:01

Gasteizko Victoria Fernandez Mingorantek irabazi zuen Gure Txokoaren XIV. margo lehiaketa aire zabalean

Berako Gure Txokoa elkarteak, Udalaren babesarekin antolatutako XIV. margo lehiaketa aire zabalean egin zen urriaren 7an. Igandeko eguraldi euritsuaren eraginez, parte-hartzaile kopuru eskasa ekarri zuen, 14 margolari bertzerik ez, eta horiek aterpeak bilatu zituzten beraien margolanak egiteko. Hori bai, denak hagitz onak eta beraien lanak kalitate handikoak izan ziren.

 

Epaimahaikideak Juan Carlos Olaetxea eta Oaia Peruarena Berako margolariak eta Iñaki Ruiz de Eguino eta Pedro Lozano arte kritikalariak izan ziren.

1.000 euroko lehen saria Gasteizko Victoria Fernandez Mingorantek eskuratu zuen. Aitor Elexpuru Berako kultura zinegotziak eman zion saria. 700 euroko bigarren saria Eibarko Esteban Oroz Aizpunek eskuratu zuen. Jaione Dozagarat, Gure Txokoa elkarteko lehendakariak eman zion saria. 

Iamotenean egindako bazkarian margolariak eta beraien bikoteak izan ziren, epaimahaide eta antolatzailekin batera, giro bikainean.

Kultura Bortziriak Bera

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun