Elkartearen Eguna urriaren 26an
Bertzalde, elkartearen eguna urriaren 26an ospatuko dute eta hilaren 21a arte eman daiteke izena elkartean nahiz La Caixako bulegoan (38 euro). Egun horretan, aurten 85 urte bete dituzten pertsonak eta Urrezkoe eta Diamantezko Ezteiak ospatzen dituzten sena-emazteak omenduko dituzte. Egoitzan izena eman behar dute eta ez da beharrezkoa bazkide izatea. Hauek bazkarira gonbidatuak egonen dira, ez horrela beraien laguntzaileak eta senideak.
Ohikoa denez, egun horretan 12:30ean Meza Nagusia izanen dute San Martin elizan. 13:30ean Aurreskua dantzatuko zaie omenduei plazan eta 14:00etan bazkaria frontoian. Bazkalondoan omenaldien txanda izanen da eta 17:00etan txapelketen sari eta trofeo banaketa. 17:30ean dantzaldia izanen dute.