Igantziko bestetan Bestabusa izanen da larunbat arratsean

Ttipi-Ttapa 2018ko ira. 27a, 13:23

Joan-etorriko prezioz 5 eurokoa izanen da

Bortzirietako Oinarrizko Gizarte Zerbitzuen Mankomunitatea eta Nafarroako Gobernuak antolatuta Igantziko San Migel bestetan bestabusa ibiliko da irailaren 29an, egun handian, eta larunbat arratsean eta goizaldean. Joan-etorriko prezioa 5 eurokoa izanen da.

Igantzira joateko Beratik (Toki-Ona eta Agerra) 20:45ean eta 23:00etan abiatuko da autobusa, Lesakako suhiltzaileen parketik ordu laurden beranduago pasako da (21:00 eta 23:15) eta Etxalarko Landaburuatik 21:15ean eta 23:30ean); Igantziko Bi-Bideko bidegurutzean utziko du jendea (21:30 eta 23:45ean) eta Arantzako jendea hartuko du (21:45 eta 00:00) berri zere Igantzira joateko.

Etxalar, Lesaka eta Berara itzultzeko autobusa 04:00etan eta 06:45ean abiatuko da eta Arantzara doana 03:30ean eta 06:00etan.

Gau osoan autobusa herrira sartu-irtenean ibiliko denez, ibilgailuak Bi-Bide inguruan ez aparkatzea eskatu du Mankomunitateak, hau da, lixutegia, farmazia eta janari-denda dagoen ingurua libre uztea, autobusak maniobra egiteko beharrezkoa baitu.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun