Sesta emateko epean ez da eskaintzarik aurkeztu eta irailaren 27ko batzarrean erabakiko du Udalak zer egin hutsean gelditutako postuekin
Etxalarko Iarmendi inguruko 21 uso ehiza postuen enkantea egin zen irailaren 8an Herriko Etxean. 38.435 eurotan eman ziren, hasierako prezioaren (34.465 euro) gainetik. Sesta emateko garaia bukatuta, eta irailaren 18ko enkantean ez da eskaintzarik izan prezioak hobetzeko. Eta hutsean gelditutako sei postuengatik ere ez zen eskaintzarik egin.
Etxalarko Udalak irailaren 27an eginen du ohiko batzarra eta orduan erabakiko da zer egin eman gabe gelditu diren postu horiekin. Oraingoz, hasierako prezioa mantenduko dute, baina eskaintzaren bat agertuko balitz, hori baino baxuagoa, Udalak aztertuko luke onartu edo ez.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!