In Tempore abesbatza
1955ean sortu zen San Jose Abesbatza izenarekin. Orduz geroztik, bilakaera handia izan du, batez ere Carlos Etxeberriak zuzentzen duenetik (2016tik In tempore du izena). Gaur egun, Iruñeko Udalak eta Nafarroako Gobernuak antolatzen dituen emanaldietan parte hartzen du.
Ibilbidea: hamaika aldiz kantatu du Iruñean eta bertze horrenbertze Nafarroako herri aunitzetan (Altsasu, Antsoain, Gares, Otsagabia, Lakuntza, Lekunberri, Atarrabia, Tutera, etab.); musika erlijiosoa eta profanoa abestu izan du.
Nafarroatik kanpo, hainbat ekitalditan parte hartu du: aste kulturalak, nazioarteko egunak, jaialdiak, urteurrenak, mendeurrenak… Burgos, Donostia, Huesca, Leon,…
Nazioarte mailan ere, bere ekitaldiak egin izan ditu baina musika taldearen izaera amateurrarengatik nahiko mugatua egon da. Esaterako, 2017an New Yorkeko Canegie Hallen Karl Jenkinsen Requiem interpretatu zuen munduko bestze koru batzuekin batera.
EGITARAUA
- Carlos Etxeberria
- Ikerren seaska-kanta -2012-
- John Rutter
- Magnificat lanatik -1990-
- Magnificat anima mea (I mugimendua)
- Fecit potentiam (V mugimendua)
- Karl Jenkins
- Stella Natalis lanatik – 2009-
- Cantus triquetrus (III mugimendua)
- Wintertide (V mugimendua)
- From Our Earth (VIII mugimendua)
- Ola Gjeilo
- Across the Vast, Eternal Sky – 2011-
- Song of the Universal – 2013-