Euskara Batzordearen ekimenez 31 etxetan ezarri dira eta etxearen izena eta eraikitze-data agertzen dute
Berako Illekueta auzoko etxeei, bere izena eta eraikitze-data agertzen duten errotuluak paratu dizkiete egunotan. Berako Euskara Batzordeak sustatu du ekimena, Pello Iratzoki herritarrak auzoko etxeen izen bilduma aurkeztu ondotik. Ekimenak bi helburu ditu: lehena, galtzear diren etxe izenen erabilera bultzatzea, eta, bigarrena, etxe izenen idazkera zuzena bultzatzea. Horretarako Andres Iñigo euskaltzainaren gomendioei jarraitu zaie.
Etxeetako jabeekin harremanetan paratu ondotik, azkenean 31 etxetan paratu dira errotuluak. Udal langileak arduratu dira lan horretaz, auzoko besten aitzineko egunetan. Errotuluak corten altzairuaz eginak dira, 350 mm x 65 mm neurrikoak dira, eta etxe izenaz gainera, urtea ere badakarte. Egitasmoari segida emateko asmoa dute batzordeak eta udalak, ahal dela herri osora zabalduz.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!