Asteetan antolatzaileek egindako lan guztiaren ondotik, eguraldia lagun, giro ederra izan zuten Igantziko XXVIII. mendi bizikleta ibilaldian. Herriko eta inguruko jende ugari bildu zen ibilaldian. 07:00etan hasi zen izen-ematea eta 09:00etan eman zitzaion hasiera helduen probari. 60 lagun inguru bildu ziren eta bi ibilbide izan zituzten aukeran: motza, 23 kilometro; eta luzea, 33 kilometro.
Horiek ibilaldia egiten ari ziren bitartean, gaztetxoen proba izan zen. 35 haur bildu ziren. Adinaren arabera banaturik, distantzia bat edo bertzeko ibilbidea egin zuten. Helduak 11:00 aldera hasi ziren helmugaratzen eta iritsi ahala, dutxatzeko eta bizikletak garbitzeko aukera eman zitzaien. 12:30eko luntxarekin borobildu zuten goiza. Babesleek emandako oparien zozketarekin bukatutzat eman zuten ekitaldia.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.