Haurrek ere parte har dezakete, herrigune inguruan eta ibilbide motzagoa izanen dute
Aurten hogeita zortzigarrenez antolatuko da Igantzin mendi bizikleta zeharkaldia, urterik galdu gabe jarraian. Bada zerbait. Iazko ibilbiderik luzeena 30 kilometro ingurukoa izan zen, gogorra nahitanahiez inguruko mendiak zeharkatzekotan.
100 lagunetik goiti etorri ziren iazko ekitaldira eta Biltokiko antolatzaileek bertze hainbertze izatea nahi lukete aurten ere. Jakina denez, haurrek ere izaten dute ibiltzeko aukera, herrigune inguruan antolatutako kilometro pare bateko ibilbide xamurragoarekin.