Abuztu hondarrean hasiko dira bizileku iraunkorretarako bideak moldatzen
Berako Udalak lehendabiziko bi proiektuak esleitu ditu. Batetik, Usategietan ur depositoa egin eta Ibardin eta Eltzaurdia auzoetako ur hornidura hobetzeko proiektuari dagokionez, Mariezkurrena enpresaren eskaintza izan da onena eta lanek 249.412,41 euroko (bezik gabe) kostua dute; hasierako prezioa baina %7 merkeako. Lanen iraupena 4 hilabetekoa izanen da eta irailaren hasieran hasiko dira. 150metro kubikoko depositoa eginen da Usategietan eta Eltzaurdia auzora heldu den tuberia berritu.
Bestetik, bizileku iraunkor diren etxebizitzetara hobetzeko proiektua abiatuko du. Hala, Gorotigain eta Larratxenbordara doazen bideak eta Zalainen Alttunbordara doanaren zati bat moldatuko dituzte. Lan horiek Sasoi enpresak eginen ditu. Guztira 127.473,20 euroko kostua dute lanek, hasierako prezioa baino %7,1 gutxiago. Lanak egiteko epea 40 lan egunekoa da eta abuztu bukaeran hasiko dira.
Hirugarren proiektu bat ere badute esku artean, argiteriari dagokiona: «hori ere ondorengo egunetan esleitzea espero dugu» adierazi dute.